SBI Special FD Scheme: ఈ స్పెషల్ స్కీంతో అధిక లాభం..

SBI Special FD Scheme: ఈ స్పెషల్ స్కీంతో అధిక లాభం..

SBI Amrit Kalash: భారతీయ స్టేట్ బ్యాంక్ తన కస్టమర్లకు శుభవార్త చెప్పింది. ఈ బ్యాంక్ అందిస్తున్న ప్రత్యేక ఫిక్స్‌డ్ డిపాజిట్ పథకం అమృత్ కలశ్‌ను మరోసారి పొడగించింది. దీంతో రిటైల్ కస్టమర్లకు మరోసారి అవకాశం దక్కింది. స్టేట్ బ్యాంక్ అధికారిక వెబ్‌సైట్ ప్రకారం.. ఈ 400 రోజుల వ్యవధి ఉన్న స్పెషల్ ఫిక్స్‌డ్ డిపాజిట్ స్కీం సాధారణ ప్రజలకు 7.10 శాతం వడ్డీ ఆఫర్ చేస్తుండగా అదే సీనియర్ సిటిజెన్లకు 7.60 శాతం వడ్డీ ఇస్తోంది. ఇంకా ఈ స్కీం నుంచి ముందే నగదును ఉపసంహరణ కూడా చేసుకోవచ్చు. ఇంకా డిపాజిట్ ఆప్షన్లపై లోన్లు కూడా పొందొచ్చు. ఈ జూన్ 30తోనే ఈ ఎస్‌బీఐ అమృత్ కలశ్ స్పెషల్ FD పథకం గడువు ముగుస్తుండగా ఇప్పుడు దానిని 2023, ఆగస్టు 15 వరకు పొడగిస్తున్నట్లు స్పష్టం చేసింది.

ఎస్‌బీఐ అమృత్ కలశ్ FD Scheme లో ఇన్వెస్ట్ చేయాలంటే .. SBI బ్రాంచ్‌కు నేరుగా వెళ్లొచ్చు. ఇంటర్నెట్ బ్యాంకింగ్ లేదా SBI YONO App లో కూడా బుక్ చేసుకోవచ్చు. డొమెస్టిక్ రిటైల్ టర్మ్ డిపాజిట్లకు, NRI Rupee టర్మ్ డిపాజిట్లకు అవకాశం ఉంది. కొత్త డిపాజిట్లు చేసుకోవచ్చు. ఇంకా రెనివల్‌కు అవకాశం ఉంటుందని SBI ఒక ప్రకటనలో తెలిపింది.

స్పెషల్ టర్మ్ డిపాజిట్లపై వడ్డీ అనేది మెచ్యూరిటీకే చెల్లిస్తుంది. ఇక ఇంట్రెస్ట్, టీడీఎస్ నెట్ .. కస్టమర్ అకౌంట్లోనే క్రెడిట్ చేస్తుంది. ఇక గడువు కంటే ముందుగానే నగదు విత్‌డ్రా చేసుకోవాలంటే.. బ్యాంక్ నిర్ణయించిన వడ్డీ రేటు కంటే 0.50 శాతం లేదా ఒక శాతం వడ్డీ రేటు తగ్గించి చెల్లిస్తుంది. ఆదాయపు పన్ను శాఖ చట్టాలను బట్టి.. టీడీఎస్ పడుతుంది. IT నిబంధనల కింద పన్ను మినహాయింపు ప్రయోజనాలను పొందేందుకు డిపాజిటర్లు..15G/15H ఫాం ద్వారా రిక్వెస్ట్ పెట్టుకోవచ్చు.

ఇక ఈ స్పెషల్ ఎఫ్‌డీ స్కీం కాకుండా.. సాధారణ ఫిక్స్‌డ్ డిపాజిట్ల విషయానికి వస్తే.. రూ. 2 కోట్లకు లోబడిన డిపాజిట్లపై సాధారణ ప్రజలకు 3 నుంచి 7 శాతం వరకు వడ్డీ ఆఫర్ చేస్తుంది. ఇక ఇదే సీనియర్ సిటిజెన్లకు అయితే 3.50 శాతం నుంచి 7.50 శాతం వరకు అందుబాటులో ఉంది. ఇక ఇందులో రెండేళ్ల నుంచి మూడేళ్ల లోపు కాలవ్యవధి ఉన్న ఫిక్స్‌డ్ డిపాజిట్లపై సాధారణ ప్రజలకు 7 శాతం, సీనియర్ సిటిజెన్లకు 7.50 శాతం వస్తోంది. అదే ఈ అమృత్ కలశ్ స్కీంపై మాత్రం వీటికంటే ఎక్కువ వడ్డీనే వస్తుంది.

Leave a Reply

Your email address will not be published. Required fields are marked *