Pakistani Women PUBG Love:సీమాకు సచిన్ అంటే ఇష్టం..

Pakistani women PUBG Love: సీమాకు సచిన్ అంటే ఇష్టం..

పబ్‌జీ ’ (PUBG) లో పరిచయమైన వ్యక్తి కోసం.. పాకిస్థాన్ మహిళ తన నలుగురు పిల్లలతో భారత్‌లోకి రెండు నెలల కిందట అక్రమంగా ప్రవేశించింది.

పబ్‌జీ (PUBG)లో పరిచయమైన ఉత్తర్ ప్రదేశ్ యువకుడు సచిన్ మీనా (Sachin Meena)తో ప్రేమలో పడి.. అతడి కోసం తన నలుగురు పిల్లలను తీసుకుని భారత్‌కు వచ్చిన పాకిస్థాన్‌ మహిళ సీమా హైదర్ గురించి పాక్‌లో ఆమె బంధువులు, స్నేహితులు, మాజీ ప్రియుడు సంచలన వ్యాఖ్యలు చేశారు. అటు, సీమా హైదర్‌ను (Seema Haider) తమ దేశంలోకి రానివ్వబోమని ఆమె కుటుంబ సభ్యులు, బంధువులు గమనార్హం. పిల్లలను వెంటనే పాకిస్థాన్‌కు పంపేయాలని డిమాండ్‌ చేశారు. పాకిస్థాన్‌కు చెందిన సీమా హైదర్‌కు ఉత్తర్ ప్రదేశ్ యువకుడు సచిన్‌ మీనా తో 2019లో పబ్‌జీలో ఏర్పడిన పరిచయం ప్రేమగా మారి.. ఈ ఏడాది మార్చిలో నేపాల్‌‌లో కలుసుకుని.. వివాహం చేసుకున్న విషయం తెలిసిందే.

సీమా హైదర్ స్నేహితురాలు 2 నిమిషాల 20 సెకన్ల వీడియోలో చేసిన వ్యాఖ్యలు సోషల్ మీడియాలో ప్రస్తుతం వైరల్ అవుతున్నాయి. పాకిస్థాన్ యూట్యూబర్ సయ్యద్ బాసిత్ అలీతో ఆమె మాట్లాడుతూ.. సీమా హైదర్ అన్ని క్రీడల కంటే క్రికెట్‌ (Cricket) ను చాలా ఇష్టపడుతుందని చెప్పారు. ఆమెకు క్రికెట్ అంటే చాలా పిచ్చి.. అని చెప్పుకు వచ్చారు.

సీమా హైదర్ భారత్ పర్యటన గురించి తనకు తెలుసునని, తన స్నేహితురాలి నిజస్వరూపం అందరికీ తెలియాలని ఆమె పేర్కొంది. సీమా మిమ్మల్ని గుర్తించగలదా అని ప్రశ్నించగా.. ఈ వీడియోను చూస్తే ఆమె వణుకుతుందని, కాళ్ల కింద భూమి బద్దలైనంత పనవుతుందని సమాధానం ఇచ్చింది.

‘నాకు ఆమె అవసరం లేదు. ఆమె ఇస్లాంకు ద్రోహం చేసింది.. హిందువులను కూడా మోసం చేస్తోంది.. ఆమె ఏదైనా చేయగలదు. ఆమె హిందూ మతాన్ని స్వీకరించిన ముస్లిం.. ఆమె రేపు క్రైస్తవ మతంలోకి కూడా మారవచ్చు…ఆమె ‘సైకో’, ‘దొంగ’’ అని పేర్కొంది. తల్లిదండ్రులు, భర్తను మోసం చేసిందని, భవిష్యత్తులో భారత్ యువకుడు సచిన్‌ను కూడా ఇలాగే మోసం చేస్తుందని జోస్యం చెప్పింది. కేవలం క్రికెట్ మ్యాచ్‌లు చూడటానికే ఆమె భారత్‌కు వెళ్లిందని పేర్కొంది.

ఇక, సీమా హైదర్ మాజీ ప్రియుడిగా చెప్పుకుంటున్న ఒసామా అనే వ్యక్తి మాట్లాడుతూ.. నాతో పాటు ముసా, అరిఫ్, అస్లాం, సయాన్ సహా చాలా మందితో ఆమెకు వివాహేతర సంబంధాలున్నాయని అన్నాడు. అంతేకాదు, ఆమె చాలా జిత్తులమారని అభివర్ణించిన అతడు.. సచిన్ మీనాను అప్రమత్తంగా ఉండాలని హెచ్చరించాడు.

సీమాకు క్రికెట్ అంటే చాలా ఇష్టమని.. ప్రపంచ కప్ (World Cup) మ్యాచ్‌లను చూసే అవకాశాన్ని ఎప్పుడూ వదులుకోలేదని చెప్పాడు. భారత్-పాకిస్థాన్ క్రికెట్ మ్యాచ్‌లు చూసేందుకే సీమ భారత్‌కు వెళ్లిందని ఒసామా పేర్కొన్నాడు. సచిన్ టెండూల్కర్‌ (Sachin Tendulkar) పై ఆమెకు ఉన్న అమితమైన అభిమానం కారణంగానే సచిన్ మీనా అనే అబ్బాయిని ఎంపిక చేసుకున్నట్లు ఆయన చెప్పడం గమనార్హం.

Leave a Reply

Your email address will not be published. Required fields are marked *